mediapinta

Fai algúns meses rematou o arco argumental de Cronicas de Mesene Erika (que eu inda teño pendente de comprar) e na espera do próximo, Eocar, Jorge Iván Argiz (editor e responsábel da liña Siurell da editorial Dolmen) da en avance uns bocetos dun especial autoconclusivo.

Este número único terá como protagonistas aos protagonistas principais das Crónicas, Baran e Ragnar, pero contará unha historia do pasado na que haberá piratas e outras herbas.

Cada novo lanzamento de Crónicas de Mesene leva unha novidade parella, e normalmente é o cambio de debuxante. Neste caso temos a un novo debuxante chamado Julio Cangialosi e que recupera o estilo manga fantástico e de gran detalle dos primeiros números con Mateo Guerrero.

Crónicas de Mesene é unha das series regulares que máis tempo levan publicandose. Con Roke González nos guións foron pasando numerosos debuxantes dende noveis ata algún xa máis experimentado, facendo que o debuxo pasara do manga ao europeo fantástico.

Como fan que son recomendoo con vehemencia. Quero máis Crónicas de Mesene, quero a novela xa!

Editado: Jorge Iván Argiz adianta nos comentarios do seu bló que a novela de Mesene sairá no próximo ano dentro dunha nova colección de libros que sacará Dolmen.

chuzame

Pois xa vedes, aquí estou. Todo pancho na miña nova casa da Blogaliza. De momento isto é un pouco inestábel, cousas das vacacións, pero a ver se a comunidade se pon as pilas e se arranxa có novo curso.

En blogsome non se poden facer exportacións, en blogaliza non se pode editar. Ningunha é perfecta, pero ter blogaliza de apelido mola máis.

As cousas van daquela maneira, as usual.

Perdín a cámara e por iso non hai fotos de nada do que pasou nestes últimos meses, pero xa está en proxecto mercar unha nova. O que pasou é que rematou a tempada de Erasmus, empecei a traballar e dixéronme que non lles gustaba como traballaba. Básicamente.

Tamén merquei un móbil novo, pero fíxenme un lío e lle borrei a memoria. Adeus a tódo-los xogos (tiña o Age of Empire II!!), os temas, as melodias... a todo.

Por enésima vez fago propósito de levar esta bitácora con actualizacións algo periódicas, pero xa sabedes como son.

chuzame

Mira po-la fiestra. Non o ves? Non o cheiras? Un ano máis Galicia arde de costa a costa e xa é tarde para laiarse. Porque un ano máis non se fixo nada para previr. Os que antes criticaban as políticas do anterior goberno agora están de vacacións.

Está Galicia condenada a arder ano tras ano sen que ninguén faga nada? É este un dos derradeiros paso para a total castelanización do noso pais? A queima e desertización dos nosos montes.

A información é moita e case todo malas novas.

A imaxe é do xenial Panchez de Aduaneiros sem fronteiras. O lume: o primeiro invasor.

Empecemos a ser pais coidando os nosos bens.

chuzame